Бухоро вилояти қўғирчоқ театри

17.02.2021 10:08

Бухоро вилояти қўғирчоқ театри 1982 йилда Бухоро шахрида ташкил этилган. Ўзбек ва рус гуруҳлари мавжуд. А.Абдуллаев, Г.Файзиева, Н.Раҳматова, Ш.Жабборов, Ж.Бақоев, А.Мирғиёсов, О.Сафаров, В.Зубковская, Е.Вардашева кабилар театрнинг илк ижодкорларидир. Биринчи бош режиссёр Шомурод Юсупов (1982 - 1992 йиллар). Театр ижодкорлари халқ анъанавий қўғирчоқ театри томошаларини ижодий ўзлаштирган ҳолда, чет эл қўғирчоқ театрлари санъати ютуқлари билан ўз санъатларини бойитдилар. Энг яхши спектакллари: «Чодиржамол», «Дўстлик синови» (Қ.Мажидов), «Бахт ахтарган Ҳасан» (Е.Сперанский), «Сеними бўри, шошмай тур» (А.Курлянский, А.Хаит), «Карвонсарой» (Ш.Юсупов), «Миттимитон» (М.Халил), «Миёв исмли мушукча» (Нгуен Динь Тхи), «Оби ҳаёт» (Г.Алиева), «Энг кичик Гном» (В.Седухин) ва бошқа спектакллардир.