Ходжамуратов Айбек Нагметиллаевич

Театр: Қорақалпоқ давлат ёш томошабинлар театри

Ходжамуратов Айбек Нагметиллаевич ўз ижодий фаолияти давомида ушбу кунгача театр саҳнасида 30 дан ортиқ спектакл ва театрлаштирилган дастурларда образлар яратган. Шу жумладан, қирғиз халқ ёзувчиси Ч.Айтматовнинг “Исканжа” спектаклида Аскар, Г.Турсунованинг “Сабр туби сариқ олтин” спектаклида Ажиниёз, Т.Минулиннинг “Бир қизга тўрт ошиқ” спектаклида Исмоил, “Дўстлик” ордени соҳиби М.Бегимовнинг “Тошбақа, Тошкина ва Тулки” спектаклида Тошбақа, У.Умарбековнинг “Кузнинг биринчи куни” спектаклида Фарход, Р.Пиязованинг “Сеҳрли дон” спектаклида Бўри ва Ит, У.Азимнинг “Томир” спектаклида Овул йигити, “Уч дангаса” спектаклида Дангаса ва Ит, рус ёзувчиси А.С.Пушкиннинг “Алеко” спектаклида Овул болалари, К.Рахмановнинг “Тўққиз тўнқилдоқ бир чанқилдоқ” спектаклида Палмурат, Қорақалпоғистон Республикаси халқ ёзувчиси А.Султановнинг “Ватан тўпроғи” спектаклида Рус, Ўзбекистон ёзувчилар уюшмаси аъзоси Б.Айтмуратовнинг “Машанинг саёҳати” спектаклида Қароқчи, япон халқ эртаги асосида Дзюндзи Киносита томонидан қайта ишланган “Турна парлари” спектаклида Ундзу, Л.Толстойнинг “Буратино саргузаштлари” асари асосида сахналаштирилган спектаклида Артимон ҳам да бошқа образлар яратиб жажжи мухлислар кўнглидан жой олиб келмоқда. 2013 йилда Ўзбекистон миқёсида ўтказилган “Сени куйлаймиз, Замондош!” театрлар фестивалининг фаол иштирокчиси.