Ким Ульяна Олеговна

Театр: Ўзбекистон давлат мусиқали комедия (оперетта) театри

Ким Ульяна Олеговна ушбу театрда 2016 йилдан буён биринчи даражали солист-вокалист вазифасида фаолият юритиб, 2020 йилдан эса олий даражали солист-вокалист вазифасида ишлаб келмоқда. У.Ким 2013 йили Ўзбекистон давлат консерваторясини “Академик хонандалик” йўналиши бўйича тамомлаган. Ҳаракатчан, интилувчан, меҳнаткаш актриса. Актёрлик маҳоратини ошириш учун ҳамкасблари ва устозларидан ўрганишга ҳаракат қилади. У театр репертуаридан ўрин олган бир қанча репертуарларда, “Наша Майсара”да Ойхон, “Принцесса цирка”да Мари, “Наша махаля”да Гузал, “Новогодная карусель”да Буратино, “Романтики”да эса Сильвета, “Дружба спасёт мир”да Львёнок, “Невеста Хлестакова”да Августья ролларини маромига етказиб ижро этиб мутахасислар эътирофига ва томошабинлар олқишига сазовор бўлди. У чиройли ва ёқимли овоз соҳибаси бўлиб, қўшиқларни ёқимли куйлайди. Шунингдек, рақс номерларини ҳам тез ўзлаштириб, спектаклларда ижро эта олади.