Зварцева Олеся Викторовна

Театр: Ўзбекистон давлат мусиқали комедия (оперетта) театри

Етакчи саҳна устаси Зварцева Олеся Викторовна 2009 йилда Ўзбекистон давлат консерваториясининг “Академик вокал хонандаси” мутахассислиги бўйича таҳсил олган. О.Зварцева 2009 йили ҳозирги Ўзбекистон давлат мусиқали комедия (оперетта) театрига ишга қабул қилиниб, ижодий фаолияти давомида қатор роллар ижро этиб, театршунослар ва томошабинлар эътиборини қозонди. Унинг ижросидаги турли ва ранг-баранг образлари ижроси театрнинг жорий репертуаридан жой олган аксарият спектаклларга жуда қисқа муддатда кириб боришини таъминлади ва натижада театрнинг ижодий раҳбарияти томонидан унга катта ишонч билдирилди. Унинг ижросидаги “Сильва” спектаклида Стасси, “Аршин мал Алан”да Асья, “Марица”да Цыганка, “Сильное чувство”да Ната, “Легендарный шут”да Сооткин, “Эхо любви”да Бабушка, “Ханума”да Ануш, “Баядера”да Мариетта, “Любовь в стиле блюз”да Руни, “Сердце на ладони”да Мама, “Свадебное платье для Роз-Мари”да Ванда, “Биндюжник и король”да Глазенапа, “Тетя я женюсь”да Служанка, “Продолжение Дон Жуана”да Предприниматель, “Двадцатилетние.uz”да Шоира Мансуровна, “Любовный вертеж”да Галя, “Слуга двух господ”да Клариче, “Светофор”да Девочка, “Очарован тобой”да Маша, “Невеста Хлестакова”да Марья Антоновна, “12 стульев”да Грицацуева, “Украденная невеста”да Горбатая, “Простите дорогой”да Момақаймоқ, “The Musical”да Франческо, “Ханума”да Ханума, “Бременские музыканты”да Атаманша, “Колючая дружба”да Медведь, “Улётные каникулы”да Яга, “Дружба спасёт мир”да Львица каби роллари шулар жумласидандир. О.Зварцева истеъдодли актриса, ёқимли овозга эга ижрочи. У ўз ишига ўта масъулиятли ва талабчан ходимлар сарасига киради. Театрнинг барча жамоат ишларида фаол иштирок этиб, Республика миқёсида кенг нишонланиб келинаётган турли байрам саналарига бағишланган концерт дастурларида ўзининг чиқишлари билан томошабинлар эътиборига тушган. Айни пайтда театр репертуаридаги қарииб 30 дан зиёд турли жанрдаги спектаклларда роллар ижро этиб келмоқда.