Шерезданова Диана Геннадьевна

Театр: Ўзбекистон давлат мусиқали комедия (оперетта) театри

Шерезданова Диана Геннадьевна ушбу театрда 2004 йилдан хор артисти, 2007 йилдан олий тифали солист-вокалист сифатида ижод қилиб келмоқда. Д.Шерезданова 2016 йил Ўзбекистон Давлат санъат ва маданият институтининг мусиқали драма актёрлиги йўналишини тамомлаган. Бунга қадар Д.Шерезданова Тошкент эстрада-цирк коллежини театр ва миниатюра артисти мутахассислиги бўйича тамомлаган. Д.Шерезданова ижодий фаолиятини бошлаган пайтиданоқ ўзининг истеъдоди ва иқтидорини намоён этди. Ўткир характерли актриса, ўзига топширилган ҳар бир образ устида жиддий ишлайди. Истарасининг илиқлиги, самимияти ва истеъдоди сабабли саҳнада ўзини эркин хис этади. Партнёрлар билан ишлашда қийналмайди. Театр репертуаридаги классик ва замонавий мусиқий спектаклларда ҳам ўзини бирдек ҳис қилади. Д.Шерезданованинг томошабин кўнглидан жой олган роллари қаторида: “Ханума”да Сона, “Принцесса цирка”да Мари, “Свадьба Кречинского”да Лида, “Сильное чувство”да Ритта, “Веселая вдова”да Эльга, “Продолжение Дон Жуана”да Анна, “Свадебное платье для Роз-Мари”да Жанна, “Марица”да Лиза, “Легендарный шут”да Нелли, “Сердце на ладони”да Жена, “Украденная невеста”да Тамара, “Здравствуйте, я ваша тётя”да Элла, “Эхо любви”да Гульсара, “Баядера”да Мариетта, “Дорогая Памелла”да Глория, “А у нас во дворе...”да Тадбиркор аёл, “Слуга двух господ”да Клариче, “Ловушка” да Флоранс, “Романтики” да Сильвета, “The Musical”да Николь, “Биндюжник и король”да Двойра Крис, “Ребёнок напрокат”да Кристиана, “Очарован тобой”да Юлдуз, “Цилиндр”да Рита, “Василиса Супер Стар”да Василиса, “Волшебная серна”да Серна, “Колючая дружба”да Лиса, “Не по щучьему велению”да Несмеяна, “Две Бабы Яги”да Дуня каби ўнлаб ролларини мисол қилиб олишимиз мумкин.