Рахимова Рузанна Ашотовна

Театр: Ўзбекистон давлат мусиқали комедия (оперетта) театри

Олий даражали солист-вокалисти Рахимова Рузанна Ашотовна 2013 йилда Ўзбекистон давлат консерваториясини “Академик вокал хонандаси” йўналиши бўйича тамомлаган. Ижодий маҳоратини янада ошириш мақсадида театр қошидаги студияни тугатган. 2013 йили актрисанинг интилувчанлигини эътиборга олиб театр раҳбарияти уни хор артистлигидан солист-вокалистлик вазифасига ўтказди. Театрдаги фаолияти давомида унинг ижросидаги “Двадцатилетние.uz”да Наргиза, “Любовный вертеж”да Гулсара, “Здравствуйте, я ваша тётя”да Китти, “Любовь в стиле блюз”да Қўшиқчи қиз, “Легендарный шут”да Қиролича, “Свадебное платье для Роз-Мари”да Жанна, “Слуга двух господ”да Смиральдина, “Капкан”да Ҳамшира, “Ребенок напрокат”да Лулу, “The Musical”да Франческо, “Ханума”да Кабато, “Очарован тобой”да Мама, “12 стульев”да Лиза, “Ловушка”да Медсестра, “Весёлая вдова”да Милица, “Озорной джин”да Джинн, “Обыкновенная горошина”да Малика, “Василиса супер стар”да Ялмоғиз, “Светофор”да Қизча каби образлар театр мутахассислари ва томошабинлар томонидан илиқ кутиб олинди. Р.Рахимова 2018 йилда Екатеринбург шаҳридаги Свердловск давлат мусиқали комедия академик театрининг 85 йиллигига бағишланган “От практики - к совершенству” деб номланган умумхалқ форумида қатнашди.