Бухаидзе Игорь Шалвович

Театр: Ўзбекистон давлат мусиқали комедия (оперетта) театри

Бухаидзе Игорь Шалвович санъат соҳасида кўп йиллардан бери ижод қилиб келаётган катта ижодий тажрибага эга актёрдир. У ўтган йиллар мобайнида Ўзбекистон давлат мусиқали комедия (оперетта) театрида 40 дан ортиқ спектаклларда турли ролларни ижро этиб, томошабинлар ва мутахассислар эътиборига тушди. Унинг юксак актёрлик маҳорати, ижодий салоҳияти, вокал борасидаги тажрибаси қисқа муддат ичида театрнинг жорий репертуаридан жой олган спектаклларда турли йўналишлардаги образларни ижро этишига омил бўла олади. Булар орасида “Холопка”да Кутайсов, “Весёлая вдова”да Бриош ва Барон Зета, “Принцесса цирка”да Тони, “Марица”да Популеску, “Легендарный шут”да Тиль, “Цыганский барон”да Стефан, “Ханума”да Тимоте, “Украденная невеста”да Эристо, “Тётя, я женюсь”да Эркин, “Не поверишь жена, умру!”да Володя, “Биндюжник и король”да Реб Арье-Лейб, “Здравствуйте, я ваша тётя”да Джек Чесней ва Лорд Френкерт Баберлей, “Свадьба Кречинского”да Кречинский Михайло Васильич, “Летучая мышь”да Фальк ва директор, “Ловушка”да Даниэль, “Любовный вертеж”да Степан, “Любовь в стиле блюз”да Эдди Мак Манус, “Дорогая Памела”да Брэд Винер, “Слуга двух господ”да Труффальдино, “Цилиндр”да Родольфо, “Ходжа Насреддин”да Бахтиёр, “Мамат гончар”да Мамат, “Волшебная лампа Аладдина”да Аладдин, “Фархад и Ширин”да Фархад, “12 стульев”да Бендер, “Это было в махалле”да Чайханщик Али, “Очарован тобой” да Режиссёр, “Ребёнок напрокат”да Фонтанж, “12 стульев”да Бендер, “Невеста Хлестакова”да Александр Иванович, “Очарован тобой”да Режиссёр ва бошқа қатор ролларини мисол қилиб олишимиз мумкин. И.Бухаидзе 2015 йилда “Актёрлик санъати” йўналиши бўйича малака ошириш курсини муваффақиятли тамомлади. 2016 йил Ўзбекистон Республикаси Маданият вазирлиги томонидан “Йилнинг энг яхши актёри” деб топилди ва вазирликнинг фахрий ёрлиғи билан тақдирланди.