Артиков Суръат Джурабаевич

Театр: Ўзбекистон давлат мусиқали комедия (оперетта) театри

Ўзбекистон Республикасида хизмат кўрсатган артист

Етакчи саҳна устаси Артиков Суръат Джурабаевич санъат соҳасида кўп йиллардан бери ижод қилиб келаётган ва катта ижодий тажрибага эга маҳоратли актёрдир. Ўтган йиллар мобайнида 40 дан ортиқ спектаклларда турли роллар ижро этиб томошабинлар ва мутахассислар эътиборига тушган. Ўзбекистон давлат мусиқали комедия (оперетта) театрига институтдан шаклланган, етук ва тажрибали, чанқоқ, изланувчан актёр сифатида кириб келди. Унинг юксак актёрлик маҳорати, ижодий салоҳияти, вокал борасидаги тажрибаси қисқа муддатда театрнинг классик ва замонавий репертуарига қўшилишига омил бўлди. Театрдаги фаолияти давомида спектаклларда ижро этган ўттиздан ортиқ салмоқли роллари томошабинлар олқишига сазовор бўлди, театршунослар, танқидчилар ва журналистлар эътиборини қозонди. Улар орасида: “Женитьба Фигаро”да Керубино, “Биндюжник и Король”да Беня Крик, “Свадьба Кречинского”да Нелькин, “Весёлая вдова”да Негаш, “Девичий переполох”да Бесомыка, “Крошка”да Жак, “Марица”да Мориц, “Баядера”да Филипп, “Прекрасная Елена”да Аякс, “Сердце на ладони”да Б.Закиров, “Голландочка”да Министр без портфеля, “Однажды в Нью-Йорке”да Майкл, “Тётя, я женюсь”да Тимур ва Эркин, “Весёлый грешник”да Насреддин, “Холопка”да Герольд, “Принцесса цирка”да Тони, Пуассон ва Пеликан, “Левша”да Левша, “Здравствуйте, я ваша тётя”да Джек, “Свадебное платье для Роз-Мари”да Герман, “Летучая мышь”да Альфред ва Помощник, “Сильва”да Леопольд, “Веер”да Эвариста, “Легендарный шут”да Король Филипп, “Аршин мал Алан”да Аскер, “Эхо любви”да Шухрат, “Продолжение Дон Жуана”да Лепорелло, “Украденная невеста”да Эристо, “Не поверишь, жена, умру…”да Муж, “А у нас во дворе”да Тимур, “Актриса”да Додик, “Граф Люксембург”да Брисар, “Ханума”да Акоп, “Сильное чувство”да Мистер Пит, “Очарован тобой”да Суръат Артыков, “Ребёнок напрокат”да Гамье, “12 стульев”да Коробейников, “Невеста Хлестакова”да Хлестаков, “Это было в махалле”да Чойхоначи Али ва бошқалар шулар жумласидандир. Мазкур асарларда унинг ёрқин ижроси, юксак ижодий маҳорати, ўзига хос ижро услуби, серқирра истеъдоди намоён бўлди. Суръат Артыков 2018 йилда Екатеринбург шаҳридаги Свердловск давлат мусиқали комедия академик театрининг 85 йиллигига бағишланган “От практики - к совершенству” деб номланган умумхалқ форумида қатнашди.