Раимова Наргиза Абдужалиловна

Театр: Ўзбекистон давлат ёш томошабинлар театри

Раимова Наргиза Абдужалиловна 1981 йилда 28 июнда Тошкент шаҳрида таваллуд топган. 1998-2000 йилларда ушбу театрда йетакчи актриса сифатида фаолият юритади ва 2000-2004 йилларда Тошкент Давлат Санъат олийгоҳини тамомлайди. 2004 йилдан эътиборан ушбу театрда актриса сифатида ижодини давом эттира бошлади. Раимова Наргиза 1999 йилларда театр репертуаридаги “От кишнаган оқшом”, “Минг бир кеча”, “Қайнар хумча”, “Сеҳрли дур”, “Бир бор экан”, “Болалар шоу” каби спектаклларинг оммавий саҳналарида эпизодик ролар ижро этиб келди. 2004 йилдан сўнг эса Н.Раимова театрда сахналаштирилган бир қанча спектаклларда банд этилган бўлиб, хозирда хам хилма-хил ролларни ижро этиб келмоқда. Актриса театрда сахналаштирилган “Сичуанлик мехрибон” спектаклида фаррош, “Чўп қўғирчоқ”да Нозибону, “Виждон қўшиғи”да қуён, “Жони дилим пишлоқ”да Фрузи, “Сеҳрли дур”да табиат маликаси, “Аламазон ва унинг пиёдалари”да Ҳазина, “Али Хўжа Хўжа Али”да қиз, “Шум бола”да бойнинг хотини, “Дискотека”да Сабоҳат, “Орзулар кемаси”да қуён, “Заҳарли томчилар”да Дилфуз, “Қуённинг туғилган куни”да Эчки хола, “Қор маликаси”да қарға, “Маугли”да қуш, “Қорбобонинг халоскори”да қуён, “Ақл ва Нафс”да Зайнаб, “Менинг ўрдакчам”да ўрдакча, “Қовоқвой”да спектаклларида лавлаги каби ранг-баранг ролларни ижро этиб келмоқда. 2002 йилдан буён дубляжда ҳам бир қатор ҳинд, араб ва бошқа кинофилмларга овоз бериш билан бирга “Оталар сўзи, ақлнинг кўзи”, “Кунларнинг бирида” каби видеофилмларда ва ва ҳажвий кўрсатувларда иштирок этиб келган.