Шарипова Сайёра Аббасовна

Театр: Ўзбек миллий қўғирчоқ театри

Шарипова Сайёра Аббасовна 2006 йилдан буён Республика қўғирчоқ театрида актриса сифатида фаолият кўрсатиб келмоқда. ”Олий” тоифа актерлик мақомига эга. С.Шарипова катта потенциалга эга бўлган актриса. Яхши пластика ва жарангдор овоз эгаси. С.Шарипова қўғирчоқ бошқариш санъатини мукаммал эгаллаган. У “жонли план” устаси ҳисобланади. Унинг ижросидаги қўғирчоқ концертлари, мусиқа номерлари томошабинлар олқишига сазовор бўлган. С.Шарипова Туркия, Покистон, Миср, Малайзия каби давлатларда ўтказилган халқаро фестивалларда қатнашган. Шарипова Сайёра “Қувнок мусобака”да Қучик. “Ассалом Навруз” спектакл-концертда раққоса, “Чўп Куғирчок”да Нозибону. “Шум бола”да Бой хотин. “Синдбод”да Сув париси. “Уч қувнок дўмбоқча”да Чўчка. “Яна Андерсен”да Қорбола. “Иссумбоси”да Гейша. “Бука”да Куён. “Светофор”да Куён. «Фотиманинг саргузашти»да, Фотима. ”Қувноқ томоша”да Масхарабоз. “Миёвлаган ким бўлди” - Мушук. “Миттиой” да она қурбака. “Нўхат бола”да сичқон, мушук. “Ғозча” - Тулки. “Қизил қалпоқча” да Бойўғли, “Қулоқсиз улоқча “ да Улоқча, “Оппоғой” да Оппоғой, “Сехрли пақилдоқ”да Мушук, “Қор маликаси” да Атаманша. “Қарсилдоқ” да Каламуш каби ролларни ижро этган. Театр саҳнасида ўзига хос образларни яратишга интилади. Айниқса лирик қаҳрамонларни жуда ишонарли равишда ярата олади.