Солиев Хайрулло Тохиржанович

Театр: Наманган вилояти мусиқали драма театри

Солиев Хайрулло Тохиржанович 2010 йилдан бери Наманган вилоят мусиқали драма театрида саҳналаштирувчи режиссёр сифатида фаолият кўрсатиб келмоқда. Унинг режиссёр сифатида театрда илк яратган асари «Баҳор шамоли», сўнгра Президент арчаси учун “Коинотлик меҳмонлар”, “Қорбобонинг халаскори”, “Янги йил саргузашти”, “Қаердасан арчажон”, “Ўлдинг азиз бўлдинг”, “Аёл кечирмайди”, “Тақдир эшиги” “Сирли бошоқ”, “Ҳато”, “Дилоро”, “Матмуса” каби спектакллари репертуардан тушмай, ўйнаб келинмоқда. Театрда ўтказилган ижодий кечалар ҳамда турли тадбирларни ҳам саҳналаштириб келмоқда. Режиссёр саҳналаштирган Н.Аббосхоннинг “Баҳор шамоли” спектакли Тошкентда анъанавий ўтказиб келинаётган “Сени куйлаймиз замондош” фестивалида фахрли 2-ўринга лойиқ деб топилган. 2019 йил 1 апрелдан театрининг бош режиссёри.