Юсупова Феруза

Театр: Алишер Навоий номидаги Ўзбекистон давлат академик катта театри

Юсупова Феруза Тошкентда туғилган. 1998 йил мусиқа ва умумтаълим мактабларини тугатгач, Ю. Ражабий номли мусиқа-педагогика билим юртига қабул қилинган. 2002 йил Ўзбекистон Давлат консерваториясининг академик қўшиқ факультетига, Ўзбекистонда хизмат кўрсатган артист, доцент Ольга Алексеевна Александрова синфига қабул қилинган. Консерватория қошидаги опера студиясида Майсара («Майсаранинг иши», С. Юдаков), Кекса онахон («Джанни Скикки», Ж. Пуччини), Ларина, Ольга ва Энага («Евгений Онегин», П.И. Чайковский) партияларини ижро этган. 2005 йил Галина Вишнёвскаянинг Опера қўшиқларини куйлаш марказида маҳорат дарсларини ўтаган. Ўша йили ихтисослиги бўйича Қозон консерваториясида амалиёт ўтаб қайтган. 2006 йил Тошкентда консерваторияни тугатгач, таълимни магистратурада, Ўзбекистон Давлат консерваторияси доценти Галина Викторовна Ерошина синфида давом эттирди. 2006 й. А. Навоий номидаги Давлат Академик Катта Театри стажёрлик гуруҳига қабул қилинган ва П.И. Чайковскийнинг «Евгений Онегин» операсида Энага партияси билан дебют ижро этган. 2009 йил магистратурани тугатиб, Тошкентда Н. Аҳмедова номли Халқаро танлов III мукофоти совриндори бўлди. 2012 йилдан – Марк Вайлнинг «Илҳом» театри актрисаси. 2013 йил Линц шаҳрида ўтказилган “Competizione dell’Opera” Халқаро танловида иштирок этган. 2014 йил М. Михайлов номли халқаро танлов III мукофоти совриндори бўлди (Калуга ш., Россия). 2015 йил Римский-Корсаков номли халқаро танлов дипломини олди (Тихвин ш., Россия). Репертуари: Маддалена, Джованна («Риголетто», Ж. Верди) Кармен («Кармен», Ж. Бизе) Кэт Пинкертон («Баттерфляй хоним», Ж. Пуччини) Лючия («Қишлоқ шарафи», П. Масканьи) Энага («Евгений Онегин», П.И. Чайковский) Лаура («Иоланта», П.И. Чайковский) Петровна («Шоҳ келинчаги», Н.А. Римский-Корсаков) Майсара («Майсаранинг иши», С. Юдаков) Моҳим («Тоҳир ва Зуҳра», Т. Жалилов - Б. Бровцын) Муштарий ва Миррих («Севгим осмони», М. Бафоев) Атаман аёл («Бременлик мусиқачилар», Гладков). Меццо-сопрано.