Примова Лола Тўхтаевна

Театр: Қашқадарё вилояти қўғирчоқ театри

Примова Лола Тўхтаевна ушбу театрда 2007 йилдан буён фаолият кўрсатиб келмоқда. Л.Примова – ўз касби сирларини чуқур ўзлаштирган, дунёқараши кенг, болалар руҳиятини чуқур англаган, иқтидорли актриса. Қашқадарё вилояти қўғирчоқ театрида саҳналаштирилган бир қанча спектаклларда ранг-баранг ролларни ижро этди. Бу роллари орқали мазкур театрнинг ёш томошабинлари онгу шуурига яхшилик, ватанпарварлик, юртга садоқат, дўстлик, ҳалоллик, тўғрилик, ростгўйлик, меҳнатсеварлик, фидойилик, жасорат, саховатпешалик, меҳрибонлик, табиатга ва мутолаага муҳаббат сингари эзгу фазилатларни таъсирчан тарзда сингдиришга муваффақ бўлди. Л.Примова ҳозирги кунда театрда 2-тоифали актриса сифатида фаолият олиб бормоқда. Ўз фаолияти давомида бир қанча спектаклларда турли-туман ролларни ўйнади. Жумладан, “Улоқчанинг китоби” спектаклида Тулки, “Хиёнаткор Мастон ёхуд ҳийлагар бола” спектаклида Мастон кампир, “Тулпорнинг жасорати” спектаклида Улоқча ва Хўрозча, “Уч опа сингил” спектаклида Биринчи қиз, “Ўлмасин жайрон” спектаклида Касал она, “Она меҳри” спектаклида Она қуён, “Миу номли мушукча” спектаклида Момо, “Муқбил ва Мудбир” спектаклида Иккинчи ровий, “Мақтанчоқ қуён” спектаклида Олмахон, “Тандир она саховати” спектаклида Буғдойча, “Янги китоб” спектаклида Рўдапо “Қўш тили ” спектаклида Майна ролларини маҳорат билан ижро этди.