Сеитов Адилбек Наврузбаевич

Театр: Қорақалпоқ давлат ёш томошабинлар театри

Директор ўринбосари Сеитов Адилбек Наврузбаевич мазкур вазифада 2018 йилдан ишлаб келмоқда. У ўзбек ва қорақалпоқ халқининг ўзига хос миллий санъатини сингдириш ва ушбу халқларнинг ўзаро боғлиқлигини театр саҳналарида ёритилишида чин дилдан меҳнат қилиб келаётган инсон. У Республикада ўтказилиб келинаётган умумхалқ “Наврўз” ва “Мустақиллик” байрам томошаларига театрнинг ижодий ходимлари иштирокини таъминлашда яхши ташкилотчи. Ўзига юклатилган вазифаларни масъулият билан бажарадиган фидойи инсон. А.Сеитов шонли саналарга бағишланган концерт дастурларининг, республикамизга таниқли марҳум санъат усталарини хотирлаш кечаларининг, уларнинг ҳурматига бағишланиб ўтказилган танловларда ҳам ташкилотчилик ишларида масъул ходим сифатида ўзини кўрсатиб келмоқда. 2019-2020 йилларда Ўзбекистон Республикаси Президенти ҳузуридаги Давлат бошқаруви академиясининг Бошқарув кадрларини тайёрлаш ва қайта тайёрлаш факультети қайта тайёрлаш йўналишида таҳсил олган. Замонавий бошқарувга оид тажриба ва кўникмалари орқали ўзига юклатилган ҳар бир вазифага ҳар томонлама чуқур ёндашиши билан жамоа ўртасида ҳурматга лойиқ.