Ташриф

15.03.2021 09:13

Жорий йилнинг 7-март санасида Ўзбекистон Республикаси Маданият вазирлиги Республика театр ва цирк санъатини ривожлантириш бошқармаси бошлиғи Муқаддас Ахмеджанова Қорақалпоғистон Республикасида бўлиб, театрлар фаолияти, репертуардаги янги спектаклларнинг бадиий савияси, ижодий жамоаларнинг иш жараёнлари билан танишди ва Қорақалпоқ давлат қўғирчоқ театри репертуаридаги М.Бегимовнинг «Қўрқит ота» ва «Чин юртини дунёга машҳур қилган гўзал ҳақида сўз» спекталларини томоша қилди. Спектаклдан сўнг М.Ахмеджанова фикрларини билдириб, театр жамоаси ижодий фаолиятига муваффақиятлар тилади.

Шунинг билан бирга тадбирда Қорақалпоғистон Республикаси маданият вазири ўринбосари Ж.Абдижамилов ва Бердақ номидаги Қорақалпоқ давлат академиялик мусиқа театри директоры А.Ниетуллаев сўзга чиқиб ўзларининг илиқ фикирларини билдириб ўтди.